Allan nawr! Gwrandewch yma.
Mae artist EDM, Rightkeysonly, a MC Grime, FRUIT, wedi rhyddhau eu sengl gyntaf, Ymdrech ar INOIS. Mae’r trac yn dod â’u harddulliau unigryw gyda'i gilydd ac yn amlygu’r gwaith maen nhw’n ei wneud yn eu cymuned ac yn trosglwyddo cerddoriaeth i’r genhedlaeth nesaf.
Mae Ymdrech allan nawr, sengl gyntaf Rightkeysonly & FRUIT. Mae'r trac am tyfu lan gydag ond ychydig o arian, cymryd lloches mewn clybiau ieuenctid, a'r addewid ffug o newid na chafodd ei roi ar waith. Tyfodd y ddau artist i fyny o amgylch Aberhonddu, rhan wledig o Gymru heb lawer o gyfleoedd i fod yn blant. I gyd-fynd â'r gân maen nhw hefyd wedi cynhyrchu fideo yn dangos eu gwaith. Penderfynodd y pâr sefydlu digwyddiadau meic agored ar gyfer pobl ifanc yn Aberhonddu, gan rymuso'r genhedlaeth nesaf i gael eu cynrychioli mewn cerddoriaeth, beth bynnag yw eu cefndir. Mae'r gân yn ymdrech i fod y newid sydd angen, am eu hunain ac am eraill. Dyma lais y cymunedau sy’n cael eu tawelu gan dlodi yng Nghymru.
“Wrth dyfu i fyny yn ardal wledig yng Nghymru, yn enwedig fel person anabl a gofalwr ifanc, ni chefais fy nysgu erioed bod gyrfa mewn cerddoriaeth yn bosibl. Mae’r gwaith sydd wedi mynd i mewn i Ymdrech, y partneriaethau a gefnogodd, a’r cymunedau y llwyddodd i’w cyrraedd, wedi gwneud y prosiect hwn yn rhywbeth mwy nag y gallwn i erioed freuddwydio amdano pan o'n i'n hiau. Fy unig obaith yw bod Ymdrech yn ysbrydoli pobl ifanc amrywiol eraill i ddilyn eu dyheadau oherwydd bod eu lleisiau’n haeddu cael eu clywed hefyd.”
-Rightkeysonly
Mae Rightkeysonly yn artist EDM, sy'n adnabyddus am ddod â beats arbrofol a baselines trwm i sector cerddoriaeth Cymru. Hi hefyd yw prif gantores band Liquid D’n’B Keyz Collective a sylfaenydd Amplifying Accessibility. Mae Keys yn defnyddio cerddoriaeth i rymuso artistiaid Anabl eraill, fel hi, gyda'r gobaith o weld sector mwy cynhwysol un diwrnod.
“Mae Ymdrech yn un arbennig i mi, nid yn unig oherwydd ei fod yn ymwneud â chartref, trwy roi llais i ardal nad yw’r rhan fwyaf o bobl hyd yn oed yn gwybod ei fod yn bodoli, ond oherwydd roedd hyd yn oed creu’r gân yn cyd-fynd â phwrpas yr hyn oedd dan sylw, fe’i recordiwyd yn fy swyddfa waith yn fy awr ginio, gan mai dim ond yng Nghaerdydd yr oeddwn am y diwrnod ac nid oeddem yn gallu fforddio mynd i stiwdio. I weld sut mae’r syniad hwn wedi troi i'n sengl gyntaf ni ac yn gyfle i helpu ein cymuned leol a helpu i ddangos i’r iau'r potensial sydd ganddyn nhw.”
-FRUIT
Gan ddod â chynhyrchiad a chanu Rightkeysonly ynghyd â rapio FRUIT, mae gennym ni drac sydd mor feiddgar a ffres â’i gysyniad. Mae FRUIT yn MC Grime Amgen o Dalgarth yn y Bannau Brycheiniog anhygoel. O stad cyngor yng nghanol y mynyddoedd, mae Fruit yn dod â chyfuniad unigryw o beats garw a chwrs gyda negeseuon twymgalon ac angerddol, gan gynrychioli eu diwylliant, eu teulu a’u hardal gyda balchder. Hefyd pennaeth Born A Definition aka A BAD Collective, sy'n cyfuno bydoedd cerddoriaeth a chelfyddydau gweledol.
Mae Ymdrech gan Rightkeysonly a FRUIT allan nawr a bydd y fideo ar gael ddydd Gwener yma, 31 o Hydref, ar INOIS.